Pilatu (Agan̄-mkpulu)

Pilatu (òrere Plateau State me usem uket-chieen̄) ìre agan̄-mkpulu me agan̄ etete me ido Naijiria. Îsibi esese mije okike ijọn̄ kan̄ òrere ubene okpurukpu [elevated hills] ìtatap ikana Òla-okpurukpu eyi Jọs [Jos Plateau],<ref5> ama-ibot kan̄ mè otutuuk Òla-okpurukpu yi me lek kan̄. Agan̄-mkpulu cha òtatap ikana ọmọ ìre Bawuchi me agan̄ inyọn̄ mbum-ura, Kaduna me agan̄ inyọn̄ ichep-ura, Nasarawa me agan̄ osiki ichep-ura, mè Taraba me agan̄ osiki mbum-ura. Ama-ibot kan̄ ìre Jọs. Ọmọ ore òso agan̄-mkpulu akọp mè iba òmimin ichit me okike ijọn̄, mè ire òso akọp iba mè gweregwen ene ewabe ichit me emen me ido Naijiria.

[Ogugo]

Echili agan̄-mkpulu yi me 3 Febuwari 1976. Me acha 1996, me ukot mkpulu akọn̄ kè Sani Abacha, mîfieek ijọn̄ isan̄a me lek Agan̄-mkpulu Pilatu isa ichili Agan̄-mkpulu Nasarawa. Okike ijọn̄ îbenbe ìre 30,913 km²; otu-ifuk ebi ìluk me emen ìre 3,206,531.<ref2> Ekigwen ibe îre Ere-nluk eyi esuuk mè ije-nsise [Home of peace and tourism]. Îkaan̄ owuwa ewuuk echi òtitibi isibi me lek kiban̄, ebi kè ogoon̄ mè ogoon̄-ogbuuruk [waterfalls]. Egwen ọmọ ibak Pilatu eyi Jọs, òrere agan̄ ogoon̄ ogoon̄ me agan̄ inyọn̄ me agan̄-mkpulu ya.<ref9>