Delita
Delita (òrere Delta me usem Ebeke) ìre agan̄-mkpulu me Osiki agan̄ Osiki me Naijiria. Egwen ibak Otu Okwaan̄ Naija,<ref4> eyi agan̄ ilile kan̄ okupbe me emen agan̄-mkpulu yi. Efieek agan̄-mkpulu yi isan̄a me lek oka Agan̄-mkpulu Bendelu me òso 27 Ọgọs, 1991. Agan̄-mkpulu ìtatap ikana ọmọ ìre Edo me agan̄ inyọn̄, Anambira mè Rivas me agan̄ mbum-ura, Bayelisa me agan̄ osiki, sà agan̄ ichep-ura kan̄ ke <Bight of Benin>, òwewele ijot 160 km me lek ijọn̄ atasuk [coastline] agan̄-mkpulu ya, okup. Mgbọ echilibe agan̄-mkpulu yi, ìkaan̄ agan̄-mkpulu ija 12<ref5> sabum înire 19 mè inire 25 mgbọ keyi. Ama-ibot kan̄ ìre Asaba, òkup igbet Okwaan̄ Naija me agan̄ inyọn̄ mbum-ura me emen agan̄-mkpulu ya, sà Wọ̀ri [Warri], òkup me agan̄ osiki ichep-ura me emen kan̄, ore ebon mbubek me agan̄-mkpulu ya.
Me etete agan̄-mkpulu 36 ìkup me Naijiria, ọmọ ore òso 23 òmimin ichit me okike ijọn̄, mè ire òso 12 ene ewabe ichit me emen. Otu-ifuk ebi ìluk me emen mîwa iraka efie 5.6 me acha 2016.<ref6> Inu ìsisibi isi me agan̄-mkpulu yi ìre Okwaan̄ Naijà mè ebi kè <distributaries> kan̄, Okwaan̄ Fọkados òkilibi itibi Wọ̀ri mè agan̄ agba okwaan̄ cha.
Inu ònire Agan̄-mkpulu Delita chereyi ìre ere owuwa otoko ewuulek iluk, mèlek si ebi Isok mè ebi Eruwa me agan̄ etete agan̄-mkpulu yi; ebi Ukwani me agan̄ mbum-ura, ebi Aniọma me agan̄ inyọn̄ mbum-ura, ebi Ijọ, Isekiri, Urobo mè Uvuwe [Uvwe] me agan̄ osiki ichep-ura. Sabum emen mgbọ mkpulu usun̄, ere ònire Agan̄-mkpulu Delita chereyi ìkup esese esese ama ubọọn̄ ekikpulube kire Ama-ubọọn̄ Wọ̀ri mè Ama-ubọọn̄ Agbọ̀ [Agbor] sabum ere ya onikup me <Oil River Protectorate> me acha 1884.