Ofirikosok

Ofirikosok (mè ire si obirikosok, òrere squid me ebeke) ìre anam emen mun̄, òkup me ọgbọn̄ ge mèlek ofirikosok gbọgbọ-otu. Ebi kè ofirikosok ekitaka ofifi anam me emen mun̄, kpekitaka inwan̄, ire, ofifi anam emen mun̄ si mîkitaka ema.

Ofirikosok

Òriọọn̄

Ema ekaan̄ ukot jeeta mè ikaan̄ ujọn̄ọ olik [tentacles] iba òkaan̄ mfifip me lek. Otutuuk ofirikosok mîkaan̄ otu òkaan̄ ejeek. Ema ekisa olik iba cha ikpebe inu ema ebetaka mè ìkisa ejeek ya ìtaka. Ema mîkaan̄ sọntiik ikpọk [shell] me emen lek kiban̄, me agan̄ inyọn̄ udun̄.

Me inyọn̄ akpalek kiban̄, îre esese nniniin̄ òkaan̄ agba unwen [pigment] me emen mè ìkimumen utoon̄ ojot. Eya onenirọ ibe ikup mfufet ema inwenwene unwen kiban̄ inyi ije mèlek eyi ere ema ekupbe, mè ikisa me ikeya ininiin̄ ita inyi ekakọt ìgwat lek ìmun̄ ema. Ema mêkọt ininiin̄ ita ikeya me mgbọ ema ekije inan̄a me ere ge isi ofifi ere.

Ije

Ebi kè ofirikosok ekije ije sa me itataba mun̄ itap mè isook isibi. Nsagot kiban̄ ìkup me emen kiban̄ inyi ema ekesa etaba ọsijin ike ema ekije. Usini obirikosok echi òkije me emen ugwuuk okwaan̄ mîkisa uwop kiban̄ si igwọk, eya onenirọ ibe ema ekamalek ifiat unye kiban̄.