Antiọk (òrere Antioch me ubọk ige-inu eyi Ebeke) ìre ama-ile ebi Giris eyi Seleucus I Nicator ochilibe me acha 300 SK.<ref3> Ama-ile yi <was> ama-ibot me Ijọn̄-ubọọn̄ Selusidi [Seleucid]; ike mgbọ okiraka, inenire ama-ibot me Ijọn̄-ubọọn̄ Rom mè Ijọn̄-ubọọn̄ Bizantain. Me emen mgbọ Kuruseedi, Antiọk ore ama-ibot me Mkpulu Antiọk [Principality of Antioch], òrere ge me lek agan̄-mkpulu ini echilibe me Levant, sa me akọn̄ Kuruseedi.

Ama yi ìre ge me lek ama ini eyi Seleucus I Nicator, ge me lek ebi ibot akọn̄ kè Alikisenda Ogwu Ilile, ochilibe me Siria. Ere ama ya okekebe îkaan̄ oruru enenen inyi ebi ìluluk me ere ya me agan̄ akọn̄ mè mbubek. Antiọk ìre atalek ere ebon mbubek inyanyam <spices>, mè ikup igbet Oniin̄ Eri Akpọọn̄ mè Oniin̄ Ogwu Ubọọn̄. Me emen ukot mgbọ ebi Giris, mè emen mgbọ Ijọn̄-ubọọn̄ Rom, otu-ifuk ebi ìluluk me Antiọk môkọt iwa iraka 500,000. Eya orọrọ ama-ile yi ire òso ita òmimin ichit me emen mkpulu ijọn̄-ubọọn̄ cha, me isifuk Rom mè Alikisendira isan̄a; mè irọ inyi ire si ge me etete ama-ile echi òsisibi isi ichit me otuuk lek ijọn̄ òkup me agan̄ mbum-ura me lek Okwaan̄ Ile Mediterenia.

Ama-ile yi si ore achubọk ebon ere Erumfaka Juda eyi ebi Giris [Hellenistic Judaism] me ntut òta emen mgbọ Uwu Mbuban Òso Iba. Eriọọn̄ Antiọk kire ere Erumfaka Kiristien obenebe mije îkupbe ifiin̄ mè ike îtapbe ubọk enenen me mgbọ erumfaka Kiristien obenebe ayaya.<ref5> Ayaya Inyan̄a-ibot ìtumu ibe ke îre me Antiọk ke edasi ibene igwen erieen̄ ya Kiristien.^[1]

Nrọnnye

↑ Ikwaan̄ Ebi Otuchieen̄ 11:26 - Mgbọ îweekbe Sọọlu imun̄, isasa ọmọ ika inu Antiọk. Ema ene iba egọgọọk ebi ntitiin̄ Awaji òkup me Antiọk ikup iso acha ge, mè ikijeen̄ ogbogbo ene inu. Îre me Antiọk ke edasi ikigwen ebi udun̄ kè Jisọs ebi “Kirisiten.”

[1] Ikwaan̄ Ebi Otuchieen̄ 11:26 - Mgbọ îweekbe Sọọlu imun̄, isasa ọmọ ika inu Antiọk. Ema ene iba egọgọọk ebi ntitiin̄ Awaji òkup me Antiọk ikup iso acha ge, mè ikijeen̄ ogbogbo ene inu. Îre me Antiọk ke edasi ikigwen ebi udun̄ kè Jisọs ebi “Kirisiten.”

[1]